krrishblog

आम्हाला ताजे दुध घरपोच हवे, दुधाचे पदार्थ हवेत,आम्हाला ताजी फळे हवीत, ताज्या भाज्या घरपोच हव्यात. भाज्या आमच्या दारात पोहोचवायला शेतकरी शहरात आलेले चालतात , मात्र भावासाठी, हक्कासाठी आंदोलन करायला शेतकरी दिल्लीत आले कि देशद्रोही ठरतात ? आम्हाला लॉकडाऊन मध्ये मॉरोटोरीयम हवाय ,सरकारकडून सवलती हव्यात, मात्र शेतकरी अतिवृष्टी, गारपीट,दुष्काळात मदत मागायला लागला कि फुकट्या ठरतो ? शेतकऱ्यांची पोर सीमेवर गोळ्या खाऊन मेली कि शहीद होतात , राममंदिरासाठी काठ्या खाऊन जेलात गेली कि धर्मवीर होतात , मात्र शेतकऱ्यांनी भाकड गायी विकून दुभत्या गाई घ्यायच्या म्हटल कि शेतकरी धर्मद्रोही होतात ? शेतकऱ्याने पिकवलेली गोष्ट जीवनावश्यक कायद्यात येते, मात्र शेतकऱ्याच जगण आवश्यक वाटत नाही ? पगारदार माणसाच्या सिबिल स्कोअरवर ६ टक्क्याने आलिशान चारचाकीला कर्ज द्यायला बँकवाले दारात चपला झिजवतात , मात्र शेतकऱ्याला कुठल्याही कर्जासाठी १६-१८ मोजून बँकेचे उंबरे झिजवायला लागतात ? सगळे कायदे मध्यमवर्गाला पोटभर खायला मिळाव म्हणून बनवले जातात , मात्र शेतकऱ्याच पोट कायमच खपाटीला का असतय ? हा भारताचा इंडियाशी झगडा नेमका थांबणार...

बाळ ठाकरेंचं हिंदुत्व हा प्रकार मला कधीही आवडला नाही. दक्षिण भारतीय लोकांना त्यांनी केलेला विरोध हा फक्त राजकीय भावनेने प्रेरित होता आणि त्यात त्यांनी मराठी लोकांना उद्योगधंद्याला लावण्यासाठी कुठलीही पर्यायी व्यवस्था केली नव्हती. बाबरी पतन आणि नंतर मुंबईतल्या धार्मिक दंगली या गोष्टी तर अजूनच घातक होत्या. राष्ट्रपती कलामांच्या केसांची टिंगल करण्यापासून ते "झक मारली आणि पुलंना महाराष्ट्रभूषण दिलं" वगैरे त्यांची ठाकरी वाक्ये समर्थनीय नव्हती. "घरात नाही पीठ, मग हवे कशाला विद्यापीठ?" म्हणत नामांतराला विरोध करताना ते एकदम पुराणमतवादी दिसत होते. एका निवडणुकीपुरता मुस्लिमांचा मतदानाचा हक्क काढून घेण्याची वल्गना असो की आणीबाणीला समर्थन देत हुकूमशाही विचारांचा अनुनय असो.... बाळ ठाकरे हे राजकारणी म्हणून मला नेहमीच भारतासारख्या विविधतेने संपन्न लोकशाही देशात थोडे संकुचित वाटले आहेत. एक कार्टूनिस्ट आणि मनात जे असेल ते ते बेधडक आणि खरेपणाने बोलणारा वक्ता म्हणून मात्र बाळ ठाकरे मला नक्कीच आवडतात. इतर पक्षांच्या नेत्यांशी नरम-गरम संवाद ठेवताना मैत्री जपून ठेवणे हेही त्यांच्याकडून श...